Ikaw at Ang Ako

Ganito ba talaga

Ang hirap maintindihan

Para akong nasa dagat

Lumulutang

Walang pinatutunguhan

Ngunit may pinaroroonan

Hindi ko maintindihan

ANg ninanais ng isipan

Sa sandaling sumaglit ka sa akin

Nakapako

Naloloko sa kakaisip

Laman ng damdamin ko

Naguguhong mga bato

Mabibigat, malalaki, matitibay

Ngunit pag may dumamping hangin na kinasasaklawan mo

Eto na

Gumuguho

Sa tagal ko rito

Wala na akong naramdaman

Nagmanhid na ang mga ugat sa kamay

Nangalay na ang mga paa sa kakalakad

Sa daang walang hangganan

Dumating ka

Nagbigay ng sapat na kalinga

Sa mga sugat ng mata
Sa katahimikan ng buhay

Sa ilalim ng dagat

Ngayon

Naguguluhan

Saan nga ba manantili ang tulad ko

Sa landas ng mga pinatutunguhan

O sa aking paroroonan